فتاة: اهلي رفضوا حبيبي لاسباب غير مقنعة، انصحوني

مرحبا احلى موقع واحلى
زاوية واحلى معقبين انا فتاة باول العشرينات من عمري حابة اسمع نصائح منكم
لمشكلتي واحتمال بيكون كمان في استهتار وتجريح،





الصورة للتوضيح فقط

بس
ما راح اخد الا التعقيبات الكويسة مشكلتي اني حبيت شاب روعة وهو كمان
بيحبني والحمد لله بس المشكلة انه لما اجا ليطلبني اهلي عارضوا الفكرة
تماما لاسباب مش مقنعة واتفهة سبب بعد البلد عن بلدنا طيب شو دخل الشارع
بالحب والنصيب اليوم احنا بعصر ما فينا نقول بعيد وقريب تكسيات وسيارات
وباصات معبيات البلاد والمشكلة الاكبر الي فتت فيها على شان اقطع الامل
بحبيبي وتخلص المشاكل بيني وبين اهلي خطبوني لشاب صديق اخوي وما عرفت
بالخطبة الا قبل بيوم لانه كانت بس لبس محابس على شان ما اعمل شيء قبل
الخطبة او اني اعارض انا جنيت وحبيبي عصب كثير وحاولنا بعدة طرق انه نقنع
الاهل يغيروا رايهم ما لاقينا نتيجة وهذا ظلم وحرام وانا ما بدي اغضب ربي
ولا ازعل اهلي بس هذا نصيبي وهذه حياتي المستقبلية يا جماعة ما صارلي فترة
مخطوبة وبلش يمد ايدو علي ولما قلت لاهلي انكر هل خبر وقلهن كنت امزح معها
وجحرني اني اسكت ومرقت الكذبة على اهلي ساعدوني شو اعمل والله تعبت.